ميمكنش ليا نتجاوز الشاحنة لأن هناك سيارة جايا من القدام , عاملة السينيال وداخلة للطريق .
***********
باش نتجاوز اصحاب الدراجات أو اي عربة مجرورة أو مدفوعة وغيرها , خاصني نخلي بيني وبينهم داخل المدينة 1 متر وخارج المدينة 1,5 متر.
كنعرف أني داخل المدينة بوجود الرصيف ( الطروطوار ) .
خارج المدينة لايوجد الرصيف , وتوجد أراضي زراعية وايضا البيست.
********************
هذه طريق سيار ( لوطوروت ) , فيها ثلاث ممرات كيديو . الممر الاول ديال السير العادي والممرات الاخرى ديال التجاوز , إذا فيمكن ليا نتجاوز باستعمال الممر الثالث , ويمكن نتجاوز مجموعة من السيارات .
*************
أولا خاصنا نعرفو أن التجاوز كيكون غير من جهة ليسر , وفي حالة واحدة يمكن ليا نتجاوز من جهة ليمن وهي ملي تكون السيارة اللي بغيت نتجاوزها عاملة السينيال وباغا دور على ليسر .
إذا هاذ الشاحنات ماعاملينش السينيال وماغاديش ايدورو على ليسر . إذا ميمكنش ليا نقوم بالتجاوز من جهة ليمن , خاصني نبقى غادي وراهم .
وثانيا هناك علامة صغيرة في كبيرة , يعني غادي نلقى ملتقى طرق على بعد 150 متر , وممنوع عليا نتجاوز في ملتقى الطرق.
***********
واخا عندي اسهم الإجبار فيمكن ليا نتجاوز الى كنت غادي الامام , لأن فهاذ ملتقى الطرق كاينين الإشارات الضوئية , أنا عندي الضوء الأخضر , إذا فالسيارات اللي على ليمن وليسر عندهم الضوء الأحمر ,
وبالتالي الى قمت بتجاوز هاذ السيارة وكملت طريقي القدام ماغادي نلقى حتى سيارة جايا من ليمن وليسر.
****************
السيارة اللي قدامي تجاوزتني , وكما قلنا سابقا , فلما أي سيارة كتبغي تجاوزني فخاصني نشد ليمن ديالي مزيان , ونحافظ على السرعة ديالي , ونبقى محافظ على السرعة ديالي واخا انتهت عملية التجاوز .
0 commentaires:
Enregistrer un commentaire