بالنسبة للسيارة اللي جايا من ليسر فهي عندها علامة صغيرة في كبيرة أو علامة ليس لكم حق الاسبقية .
إذا منسمحش للسيارة اللي جايا من ليسر بالمرور.
***************
السيارة اللي جايا من ليمن هابطة من الرصيف ( الطروطوار) . وكما قلنا سابقا فأي سيارة هابطة من الرصيف أو خارجة من الباركينك منعطيهاش حق الأسبقية.
إذا منسمحش للسيارة اللي جايا من ليمن بالمرور.
*******************
المسار اللي غادي فيه أنا فيه شاحنة عاملة السينيال , فهي واقفة .
إذا الى بغيت نكمل طريقي خاصني نقوم بتجاوز هذه الشاحنة , والى بغيت نتجاوز الشاحنة فخاصني نسمح للعربات اللي جايين قبالتي ( المعلم عليهم بالدائرة الحمراء ) بالمرور.
*********
القنطرة ليس فيها حق الاسبقية , اللي جا الأول , والقى القنطرة خاوية يمر هو الاول.والى صادف شي سيارة داخل القنطرة ايدوز من وراها.
****************
حسب العلامة واللي هي طريق كبيرة في صغيرة او طريق ذات أولوية . فالاسبقية عندي انا , يعني في ملتقى الطرق اللي جاي منعطيش الاسبقية اللي جايين من ليمن و ليسر.
********************
العربات اللي الحجم ديالها كبير ,هي اللي عندها حق الأسبقية في الطرقات والمنحدارات الصعبة. إذا خاصني نوقف ونسهل مرور الشاحنة.
***************
عندي علامة قف . إذا من الواجب عليا نوقف ونعطي حق الاسبقية اللي جايين من ليمن وليسر , وعلامة قف دائما كتكون مصحوبة بخط ابيض متصل , خاصني ولابد نوقف عند هاذ الخط.
**************************
في هاذ الملتقى ماكاين ولا علامة طرقية ولا إشارة ضوئية ولاشرطي مرور , إذا مون ليمن ايدوز هو الاول.
السيارة اللي معلم عليها بالدائرة الزرقاء , موجودة في ليمن ديالي , إذا غادي نسمح ليها دوز هي الأولى.
وملي غادي ندور على ليسر باتجاه السهم الاحمر, غادي تصبح السيارة اللي القدام ( المعلم عليها بالدائرة الحمراء ) في ليمن ديالي . إذا خاصني نسمح ليها دوز هي الأولى قبل مني , عاد ندوز أنا.
*****************
دائما ملي تكون حركة السير متوقفة يمكن ليا نسمح لأي سيارة تمر , ولكن الى كان هناك مساحات فارغة , وهذا لتجنب الإكتظاظ وعرقلة حركة السير.
هنا في هاذ الحالة هناك وجود مساحة فارغة قدامي , إذا يمكن ليا نسمح للسيارة الزرقاء بالمرور .
0 commentaires:
Enregistrer un commentaire