الى ضغطت على الفرامل باستمرارغادي تقلب بيا السيارة , إذا فخاصني نضغط على الفرامل مرات كثيرة متوالية باش كنقص من السرعة بالتدريج وكنتحكم في السيارة ديالي ,
وهاذ الضغط كيكون لفران سيك يعني بلالمبرياج , عاد من بعد نورك على لمبرياج حتى الاخر ديالوا انورك على الفران الى بغيت نوقف.
****************
هناك سهم مرسوم على الأرض يسمى بسهم الإجبار , يعني كيجبرنا نغيرو الإتجاه ديالنا على حسب الإتجاه اللي شار ليه السهم .
هنا مثلا في هذه الحالة عندنا السهم في إتجاه ليسر. إذا فمن الواجب عليا نغير الإتجاه ديالي فقط لجهة ليسر.
************************
المنبه الصوتي ( الكلاكصون ) , كيتستعمل فقط خارج المدينة بالنهار في طريق خاوية , ولكن يمكن ليا نستعملو داخل المدينة بالنهارغير في حالة واحدة , مثل الحالة اللي عندنا في هاذ السؤال , يعني ملي نكون غادي في الطريق انصادف شي سيارة راجعا للخلف , باش نبه السائق خاصني نستعمل المنبه الصوتي.
*************************
نعم الى كانو العجلات ممنفوخينش مزيان غادي السيارة تمشي ببطئ كبير وبالتالي غادي تستهلك الوقود بنسبة كبيرة.
**********************
مسافة الأمان في الشتاء ووقت الضبابة كتكون مضاعفة أكثر من مسافة الأمان في الأوقات العادية . إذا ولابد عليا نزيد في مسافة الأمان.
************************
في هاذ السؤال سولونا على تغيير الإتجاه ليسر في ملتقى الطرق اللي جاي , ماشي في هاذ المكان , يعني هاذ العلامة اللي كتمنع تغيير الإتجاه ليسر في هاذ المكان كما بالصورة التالية
إذا في ملتقى الطرق اللي جاي يمكن ليا نغير الإتجاه ليسر.
****************************
دائما في أي سؤال كي قول لينا واش الشراب أو المخدرات مع الدواء كيزيد من تأثير التخدير نقول نعم.
************************
وسط الطريق كيضياق من ليمن حسب العلامة , لأن جهة اليمين كانت عريضة من بعد أصبحت مضيقة.
0 commentaires:
Enregistrer un commentaire