شرح أسئلة أسبقية المرور بالسلسلة 1 في Au Volant 1

الأسئلة كلها موجودة في السلسلة 1 في Au Volant 1 وتندرج ضمن موضوع أسبقية المرور

اذا اردت المرور من جهة ليسر غادي نلقى السيارة الكحلا في ليمن ديالي

وكماهو معروف في قانون الأسبقية مون ليمن هو الأول يمر وبالتالي خاصني نخلي السيارة لي جايا قبالتي تمر هي الأولى عاد ندوز أنا.

************************

العلامة كتعني طريق ذات أولوية أو طريق كبيرة في صغيرة يعني أنا لي عندي الاسبقية في ملتقى الطرق اللي جاي

وبالتالي منعطيش الاسبقية لليمين وحتى ليسر منعطيش الأسبقية.

*********************

حسب علامة التشوير لي عندنا واجب علي نعطي حق الاسبقية في ملتقى الطرق اللي جاي للسائقين القادمين من ليمن فقط , أما اللي جايين من ليسر منعطيهمش حق الاسبقية.

**********************

هنا قالوا نكمل طريقي يعني باش نمشي في اي اتجاه بغيت , الطريق لي قدامي فيها علامة انتردي ( البلاكة الدائرية الحمراء لي فيها خط ابيض ) .

يعني في السؤال الإتجاه لي غادي ناخد هو ليمن ديالي ( الإتجاه المشار إليه بالسهم الأحمر ). إذا واش غادي ندوز قبل السيارة الزرقاء ولا بعدها .

الإجابة هي غادي نكمل طريقي قبل السيارة الزرقاء لأن السيارة الزرقاء عاملة السينيال على ليسر ديالها باش دور على ليسر( الإتجاه المشار إليه بالسهم الأزرق ), والى دارت على ليسر غادي تلقاني في ليمن ديالها , وكما هو معروف مون ليمن لي عندوا الأسبقية .

************************

القاعدة العامة في حق الاسبقية في القنطرة هي لا أحد عندوا الحق في أسبقية المرور اللي وصل ولقى القنطرة خاوية يدوز , و اللي لقاها عامرة يتسنى النوبة ديالوا حتى تخوى القنطرة.

والسؤال واضح وباين قالك واش القنطرة الى بغيت نمر فوقها غادي تكون عندي الاسبقية والجواب هو لا .

***************

السيارة كما هو ملاحظ نازلة من فوق الرصيف ( الطروطوار ) .

والقاعدة كتقول كل سيارة نازلة من فوق الرصيف أو خارجة من الباركينك منعطيهاش الاسبقية.

إذا منسمحش للسيارة البيضاء بالمرور . أما في حالة كانت السيارة البيضاء خارجة من ملتقى الطرق ( يعني من الكودرون ) , غادي نسمح ليها بالمرور لأن ماكين حتى بلاكة ومون ليمن ايدوز هو الاول.

**********************

نعم انا الاول لي غادي نوقف باش نسهل على الكاميو يمر بسهولة , لأن هادي عملية تقابل بين شاحنة الحجم ديالها أكبر من السيارة ديالي . والقاعدة كتقول في عملية التقابل اللي عندوا الحجم كبيرهو اللي عندوا الاسبقية يمر.

********************

الشاحنة عندها علامة صغيرة في كبيرة وتسمى كذلك ( ليس لكم حق الأسبقية ) وانا عندي الطريق الكبيرة

وبالتالي خاصني نكمل طريقي ومنسمحش للشاحنة تمر .

****************

في هذا الملتقى ماكين لا شرطي مرور ولا إشارة ضوئية ولا حتى إشارة أو علامة طرقية , إذا مون ليمن هو اللي عندوا حق الاسبقية في المرور , والسيارة الكحلا في ليمن ديالي إذا خاصني ندوز من بعد السيارة الكحلا.

*****************