كيف يتم التجاوز داخل وخارج المدينة ؟

عند الشروع في التجاوز ( الضوبلاج ) . يجب على السائق مراقبة الوضع برمته لضمان ما يمكن القيام به من دون خطر أو إزعاج للسائقين الآخرين.

إستعمال الطريق

قاعدة عامة

التجاوز يكون من جهة ليسر وملي تتكون الطريق مقسومة على 3 وعندها إتجاهين يجب على السائق أن يستعمل الطريق اللي في الوسط للقيام بعملية التجاوز ( الضوبلاج ).

أما الطريق التي تكون على أقصى اليسار فهي خاصة بحركة السير ديال الإتجاه المعاكس .

إستثناءات

يمكن ليا نضوبل من جهة ليمن :

- إلى كانت شي سيارة دايرة على ليسر في ملتقى الطريق وعلى ليمن ديالي كاين التساع .

- إلى كان التساع بين الطراموي وجنب ليمن ديال الطريق .

تنبيه

ممنوع نضوبل من الجهة التي يركب أو تينزلوا منها الركاب ديال الطراموي .

التجاوز (الضوبلاج )

قبل الضوبلاج

واجب علي نراقب :

- واش اللافتات والإرشادات الارضية متتمنعش الضوبلاج .

- واش المسافة والرؤية قدامي كافيين باش نضوبل .

- متكونش شي سيارة غادي ضوبلني.

- متكونش السيارة لي قدامي غادي ضوبل .

- نهيئ السرعة اللي تسمح ليا نضوبل في وقت قليل وسريع.

- نخلي مساحات كافية قبل من ضوبل باش تكون عندي رؤية

واضحة ونعلم الآخرين بالسينيال .

تنبيه

في بعض الحالات يمكن ليا نستعمل المنبه الصوتي (الكلاكصون) أو الضوء في النهار والإشارة بالضو بالليل .

أثناء الضوبلاج

- نزيد في السرعة على حساب قوة السيارة بلا منتجاوز السرعة المسموح بها ونشد أقصى اليسار .

- إلى بغيت نضوبل داخل المدينة :

نخلي على الأقل 1 متر ديال العرض.

- إلى بغيت نضوبل خارج المدينة :

نخلي على الأقل 1.50 متر بيني وبين الراجلين والدراجات ،

الحيوانات ، العربات المجرورة بالحيوان أو المدفوعة باليد اللي عندها 2 أو 3 ديال العجلات ، و التراكتور ...

- بالنسبة للسيارات، نخلي 0.5 متر داخل المدينة و1 متر خارج المدينة .

بعد الضوبلاج

نشوف السيارة اللي ضوبلت كاملة في المرايا الداخلية .

- ملي تصبح المسافة بيني أو بين السيارة اللي ضوبلتها كافية

لازم نشد ليمن ديالي .

- ندير السينيال على ليمن عند الضرورة باش نعلم العربة اللي جاية قدامي .