كيفية تغييرالإطارات المطاطية لعجلات السيارة

كيف تغيرالإطارات المطاطية لعجلات السيارة

ثقب أو نقص في الهواء

إذا وقع ثقب أو نقص كبير في هواء العجلة لابد أني نوقف ومانبقاش غادي بها.

نخرج من الطريق لعدم عرقلة حركة السير .

نوقف السيارة في مكان فيه الأرض قاصحة ومقادة ( مستوية ) وندير فران أمان .

نعلم بالضوء ديال لمبان ( 4 السينيالات ) ونحط مثلث الإنذارعلى بعد 30 متر بالنهار , وعلى بعد 100 متر بالليل.

نخرج العجلة ( الرويدة ) ديال السكور ولكريك والمانيفيل والكالات .

الطريقة العملية لتغييرعجلة السيارة

1 نحيد الغطاء ديال العجلة ونحل شوية لكروات .

2 نبلاصي الكريك في مكانو , ونكالي العجلات اللي عكس العجلة اللي غادي نبدل .

3 نزيد نحل مزيان لكروات .

4 نبدا نطلع العجلة ونحيد الكروات ونغيرها بالسكور ( العجلة الجديدة ).

5 نرد الكروات ونزيرهم شوية.

6 نهبط العجلة بالكريك .

7 نزيرالكروات مزيان ونرجع الغطاء ديال العجلة .
تنبيه

ضروري نصلح العجلة اللي معطوبة في أقرب وقت . لابد علي من راقب دائما العجلة ديال السكور قبل من نتحرك بالسيارة ديالي .