الرؤية ديالي
على السائق وهو يقود سيارته ليلا أو نهارا داخل أو خارج المدينة أن يستخدم كل اهتمامه وحدة بصره للتدخل في أي لحظة عند حدوث أي خطر , لأن الرؤية الواضحة والجيدة تساعد على توقع المخاطر واجتنابها.
الإنذار
تغيير المسار أو الإتجاه.
نستعمل السينيال ديالي فالحالات التالية :
الى بغيت نتوقف أو نخرج من مكان التوقف.
الى بغيت نبدل المسار أو الإتجاه ديال الطريق.
الى بغيت نضوبل.
الى بغيت نشد ليمن ديالي بعدما ضوبلت.
الى بغيت ندور على ليمن أو ليسر.
اكتظاظ في الطريق
أضواء الإنذار بالخطر ( 4 سينيال ).
نشعل أضواء الخطر الى كنت في طريق فيها اكتظاظ أو خطر , باش نعلم السيارة اللي ورايا.
عطب أو حادثة في الطريق
نشعل أضواء الخطر باش نعلم مستعملي الطريق الآخرين.
ضروري نستعمل مثلث الخطر للتنبيه.
بالنهار على مسافة 30 متر.
بالليل والشتاء والضبابة على مسافة 100 متر.
الرؤية غير واضحة
مني تكون الرؤية غير واضحة وعند الإقتراب من الكروازمة , فيراج أو رأس العقبة , نعلم بالوجود والإقتراب ديالي :
بالليل نعلم بالضوء.
بالنهار خارج المدينة نعلم بالمنبه ( الكلاكصون ) والضوء.
في الليل
داخل المدينة
نسوق بالفيوز ( ضوء الوضع ) أو الكود ( ضوء التقابل ) الى كانت الطريق ضاوية.
الى كانت الطريق مظلمة ( ممضوياش ) نسوق بالكود ( ضوء التقابل ) .
خارج المدينة
نسوق بالفار ( ضوء الطريق ) باش نضوي أبعد مسافة ممكنة.
الى قابلت سيارة أو كنت وراها نبدل من الفار الى ضوء الكود ( ضوء التقابل ) .
تقلبات الطقس
الى كانت الضبابة أوالشتاء مجهدة أو لعجاج . خاصني :
انقص من السرعة.
نزيد في مسافة الأمان.
نشعل الكود وأضواء الضبابة ( الأمامية والخلفية في وقت الضباب ) ( الأمامية فقط في وقت الشتاء ) .
0 commentaires:
Enregistrer un commentaire