قاعدة عامة في ملتقى الطرق
الى ماكينا حتى شي علامة أو بلاكة في ملتقى الطرق , مون ليمن ايدوز هو الأول.
الى كانت هذه العلامة في ملتقى الطرق الوقوف اجباري ( خاصني نماركي الوقوف ديالي واخا تكون طريق خاوية ), ونعطي الأسبقية لي جايين من ليمن وليسر.
الى كانت هذه العلامة في ملتقى الطرق ما نعطيش الأسبقية لي جايين من ليمن وليسر, الأسبقية ليا أنا .
الى كانت هذه العلامة في ملتقى الطرق الوقوف ليس اجباري ( يعني الى كان ليمن وليسر ديالي خاوي نزيد بلا منوقف ), ونعطي الأسبقية لي جايين من ليمن وليسر.
الى كانت هذه العلامة في ملتقى الطرق نعطي الاسبقية لي جاي من ليمن فقط.
******************************************************
انا عندي علامة كبيرة في صغيرة أو طريق ذات أولوية , هذا يعني أني أي اتجاه غادي نمشي فيه مانعطيش الأسبقية لي جاي من ليمن وليسر , مثلا الى كنت غادي ندور ليمن عندي انا الاول أسبقية المرور, وكذللك ملي نبغي ندور ليسر,أو ملي نكون غادي القدام .
إذا السؤال كيقول في ملتقى الطرق لي جاي غادي ندور ليسر واش من الواجب عليا نعطي الاسبقية لي جايين من ليمن وليسر , ببساطة غادي نقولو لا .
*********************************************************************************
هنا كاين الضوء الاخضر وعلامة صغيرة في كبيرة , الضوء الأخضر خدام إذا هو لي غادي ينظم أسبقية المرور.
أما صغيرة في كبيرة غادي تنظم اسبقية المرور ملي يكون الضوء ماخدامش.
إذا أنا عندي الضوء الاخضر وبالتالي السيارات لي في ليمن و ليسر غادي يكون عندهم الضوء الاحمر .
هذا كيعطيني الأسبقية على مالين ليمن وليسر.وبالتالي بغيت نغير اتجاه ليسر منعطيش الاسبقية ليمن وليسر.
*********************************************************************************
خاصني نوقف لأن الأشغال موجودة على المسار أو الجهة ديالي , إذا واجب عليا نوقف ,انعطي الأسبقية لي السيارة لي جايا .
خاصني نوقف في الٍحال في هاذ المكان باش تبقى ليا المسافة لتجاوز الأشغال.
*********************************************************************************
عندي علامة صغيرة في كبيرة,يعني أنا غادي ندخل في طريق كبيرة لي في ليسر ديالي , وبالتالي السيارات لي في ليسر ديالي ماخاصهمش ايعطوني حق الأسبقية .
*********************************************************************************
ملي غادي ندور على ليسر,غادي تصبح السيارة الزرقاء لي قدامي في ليمن ديالي,إذا مايمكنش ليا ندوز قبل منها.
حتى دوز هي الأولى عاد ندوز أنا .
تذكير
في جميع ملتقيات الطرق شرطي المرور هو لي كيحكم الى ماكانش , كيحكمو الضواو الى حتى هما ماكانوش او ماخدامينش تنشوف واش كاينين البلايك , اما الى ماكان والو موليمن كيدوز هو الاول.
0 commentaires:
Enregistrer un commentaire